Cargando

O SERGAS vai promocionar as actividades de titoría dos profesionais en materia de formación especializada do persoal sanitario no Servizo Público de Saúde

O SERGAS vai promocionar as actividades de titoría dos profesionais en materia de formación especializada do persoal sanitario no Servizo Público de Saúde

  • O Consello de Dirección do Servizo Galego de Saúde adoptou este acordo o 15 de xuño que será referente no impulso de medidas en procesos de mobilidade voluntaria e tamén para garantir espazo no seu tempo de traballo para tarefas administrativas.

A Asociación Galega de Enfermaría Familiar e Comunitaria, despois da experiencia de varias promocións de especialistas en Enfermaría Familiar e Comunitaria e especialmente despois do I Encontro de Titores, trasladou ao SERGAS a necesidade de valorar e recoñecer a dedicación do persoal no exercicio de titorías de residentes. Así mesmo se puxo de manifesto a necesidade de garantir un tempo a estas persoas para labores de entrevista co residente e outras de carácter administrativa que habitualmente se facían fóra do horario laboral por mor das cargas de traballo.

Congratúlanos que o Servizo Galego de Saúde recoñeza esta situación e adopte estas medidas que son un mínimo recoñecemento da extraordinaria labor que exercen os titores e colaboradores docentes na formación dos especialistas. Do mesmo xeito, este impulso garantirá a docencia e a calidade da mesma aos EIR, abordando problemáticas como a falta de titores en determinadas áreas sanitarias de Galicia.

Dende a Asociación Galega de Enfermaría Familiar e Comunitaria queremos felicitar ao SERGAS por este acordo do que agardamos que se materialice moi pronto.

Acordo Consello Dirección Sergas- Promoción titorías formación especializada

agefec

agefec

Non están permitidos os comentarios.

Agefec é necesaria.
Somos necesarios