Xornada sobre o futuro profesional da enfermaría na Universidade de Vigo
O Grupo de Promoción da Especialidade de Enfermaría Familiar e Comunitaria de AGEFEC, para poder cumprir co obxectivo de dar a coñecer a especialidade e o programa formativo no ámbito Universitario, participou o pasado 30 de Abril na Xornada informativa sobre as saídas profesionais en enfermaría, levadas a cabo pola Facultade de Enfermaría do Hospital Meixoeiro (Vigo), dirixida ao alumnado de 4º ano de Grado.
Tratáronse temas actuais e de interese para a profesión como foron: o acceso laboral e papel da enfermaría no estranxeiro, Alemaña e Inglaterra, Enfermaría e a acción humanitaria, e a formación especializada que contou coa participación de especialistas en: Enfermaría Obstétrico-Xinecolóxica, Enfermaría Familiar e Comunitaria, Enfermaría en Saúde Mental.
Ademais falouse doutros temas como o acceso á formación Máster e Doutorado e unha breve explicación das bolsas de contratación: documentación, baremo, OPE… etc.
Dende o grupo de traballo “Promoción da especialidade” de AGEFEC, valoramos como moi positivas estas iniciativas xa que ademais de darnos a oportunidade de achegarnos aos futuros profesionais, permítenos estar actualizados na relación entre os compañeiros doutros ámbitos da Enfermaría.
Lorena Comesaña Diego
Especialista en EFeC
Non están permitidos os comentarios.