Cargando

Reunión da AGEFEC coa Estrutura Organizativa de Xestión Integrada (EOXI) de Vigo

Reunión da AGEFEC coa Estrutura Organizativa de Xestión Integrada (EOXI) de Vigo

image001O  Xoves 19 de marzo, tres membros do grupo de traballo de promoción da especialidade da AGEFEC, formado por:

Belén Gomez Castro (residente de EFeC de 2º ano).  Francisco Jesús Represas Carrera (Especialista en EFeC) e Mª Lorena Comesaña Diego (Especialista en EFeC), reunímonos con Pilar Reza Castiñeiras (Directora de Procesos de Enfermaría) e  Mario González González (Xerente).

A reunión levouse a cabo nun ambiente cordial, no que puidemos falar de forma distendida de cada un dos puntos da orde do día:

 

1. Situación actual a nivel formativo da especialidadede Enfermaría Familiar e Comunitaria.

Explicamos brevemente, como se foron establecendo as prazas acreditas/ofertadas para a formación de residentes a nivel autonómico (Galicia) e nacional dende a primeira promoción, as competencias que adquiren os residentes e os diferentes ámbitos polos que rota durante a formación EIR.

Destacamos que a Xerencia de Vigo conta co maior número de prazas acreditadas (20) de todo Galicia, das cales 4  son as primeiras prazas ofertadas para a formación dos novos residentes que comezarán no mes de Maio. Transmitímoslles o noso desexo de que continúen loitando para que cada ano aumente o número de prazas ofertadas para a formación de especialistas en Enfermería Familiar e Comunitaria. A Directora de Enfermaría sinalou que os profesionais de enfermaría que titorizarán aos novos residentes teñen unha gran cualificación e están moi motivados para levar a cabo esta función.

2. Aportación dos especialistas de Enfermaría Familiar e Comunitaria na mellora da calidade asistencial dende ou noso ámbito competencial

Falamos dás estratexias Sergas 2014 e do Plan de Prioridades Sanitarias 2014-2016 e como o marco competencial da especialidade de EFeC nos capacita para ser os profesionais de referencia a hora de dar resposta a moitos dos obxectivos que formula o SERGAS.

A importancia de que se leve a cabo un cambio no primeiro nivel de atención (Atención Primaria) para adaptarse ás necesidades da poboación, onde os profesionais de Enfermaría Familiar e Comunitaria temos un papel relevante en: atención á cronicidade, continuidade de coidados, atención domiciliaria…etc, foi compartida e apoiada tanto polo Xerente como pola Directora de Proceso de Enfermaría.

3. Situación actual dos especialistas en Enfermaría Familiar e Comunitaria, inserción laboral e perspectiva de futuro.
Facemos un resumo de todo o traballo que a AGEFEC realizou para o recoñecemento da especialidade en Galicia e entregámoslles diferentes escritos que apoian a nosa inserción laboral por parte de: Organización Sindicais, Colexios de Enfermaría de Galicia, Consello Galego de Enfermaría, Sociedades Científicas médicas Galegas de Atención Primaria e Sociedades Científicas que representan a outras Especialidades Enfermeiras.

O Xerente e a Directora de Procesos de Enfermaría, coinciden na necesidade dá nos incorporación a actividade asistencial en Atención Primaria como forma de rentabilizar o custo  invertido na nosa formación e como unha maneira de potenciar ou papel da Enfermaría en Atención Primaria, apostan por unha incorporación progresiva coa intención de que nun futuro a totalidade dos postos de Enfermaría de AP sexan ocupados por especialistas.

O xerente nos comenta que tratará o tema da inserción laboral dos especialistas en Enfermaría Familiar e Comunitaria de forma conxunta co resto de EOXI de Galicia e coa Directora de Recursos Humanos do SERGAS xa que se reúnen con regularidade. Finalmente, solicitámoslles que fagan todo o que estea nas súas mans para que cren a categoría de Enfermaría Familiar e Comunitaria e que oferten o maior número de prazas posibles para especialistas.

Tags

Agefec

Agefec

Non están permitidos os comentarios.

Agefec é necesaria.
Somos necesarios