Oferta de prazas EIR de Enfermaría Familiar e Comunitaria en Galicia no 2017
O pasado 13 de Setembro publicouse no BOE a Orde SSI/1461/2016, do 6 de setembro, pola que se convocan as probas selectivas 2016 para o acceso no ano 2017 ás prazas de formación sanitaria especializada. A data de realización do exame será o vindeiro 28 de xaneiro de 2017, a duración da proba será de 5 horas e o número de preguntas será 225 máis 10 de reserva para todas as titulacións.
Para enfermería ofértanse un total de 994 prazas, o que representan un aumento de 26 prazas con respecto á última convocatoria. No caso da Enfermería Familiar e Comunitaria, ofértanse 293 prazas a nivel nacional, seguíndose unha liña ascendente no número de prazas de formación convocadas.
Pero na nosa Comunidade Autónoma, o SERGAS oferta unha praza menos con respecto ao ano anterior, polo que a situación actual da nosa especialidade para o ano 2017 é a seguinte:
UNIDADE DOCENTE | PRAZAS OFERTADAS
2015 |
PRAZAS OFERTADAS
2016 |
PRAZAS OFERTADAS
2017 |
A Coruña
Ferrol Pontevedra O Salnés Vigo Ourense |
5
4 0 6 4 Non acreditada |
6
4 2 2 6 2 |
5
4 2 2 6 2 |
Lugo
Santiago |
Non acreditadas | ||
TOTAL | 19 | 22 | 21 |
Aínda así, comprácenos dicir, que a dia de hoxe, a especialidade de Enfermería Familiar e Comunitaria é a especialidade enfermeira que mais prazas de formación oferta en Galicia. Isto é posible grazas ao gran esforzo persoal daquelas persoas que configuran as Unidades Docentes (presidentes das subcomisións de enfermería, xefes de estudios, titores e colabores docentes) así como das Direccións de Enfermería, AGEFEC e do Servizo de Docencia da Consellería de Sanidade.
Dende a AGEFEC, seguimos reclamado ao Servizo Galego de Saúde que oferte a totalidade das prazas acreditadas, así como que se acrediten as Unidades Docentes de Santiago e Lugo como Multiprofesionais, para que se poidan formar a futuros enfermeiros/as especialistas en Enfermaría Familiar e Comunitaria.
Non están permitidos os comentarios.