A Presidenta de SOGAPS, Maite Isla e o Presidente de AGEFEC, Francisco Jesús Represas, asinaron o día 25 de outubro un convenio de colaboración que ten como obxectivo o financiamento da totalidade do custo para que un socio/a da AGEFEC acuda en misión internacional na Atención Primaria da Wilaya de Bojador, entre os días 2 e 9 de Decembro. A misión ten como obxectivo principal a asistencia na comunidade a pacientes con enfermidades crónicas e contribuír na mellora da salubridade medioambiental do Pobo Saharaui así como fortalecer a atención primaria da zona.

A oferta comunicada aos socios da AGEFEC suscitou numerosos interesados en participar nesta misión internacional.