Cargando

Enfermeiras de Familia e Comunitaria galegas a nivel internacional

Enfermeiras de Familia e Comunitaria galegas a nivel internacional

  • O 2nd International Congress of Family Health Nursing& 1st Iberic Congress of Family Health foi organizado pola Sociedade Portuguesa de Enfermagem de Saúde Familiar, a AEC e a Asociación Galega de Enfermaría Familiar e Comunitaria. 
  • No congreso, a Ministra de Saúde de Portugal, Dª Marta Temido Simões anunciou que o novo goberno portugués ten por obxectivo nos vindeiros 4 anos, que tódolos cidadáns conten cun Enfermeiro especialista de Familia. 
  • A introdución decidida polo goberno Portugués, ven sido tomada polo envellecemento do país, que ronda o 21% de maiores de 65 anos, fronte a Galicia que acada case o 30%.  
  • AGEFEC considera que a aposta da Consellería de Sanidade coa incorporación de Enfermeiros Especialistas en Familia e Comunitaria está sendo ratificada noutros países da contorna e pide incrementar o esforzo para que nun futuro próximo, tódolos galegos dispoñan dun Enfermeiro especialista en Familia e Comunitaria. 
  • Numerosos Enfermeiros de Familia e Comunitaria asistiron a outros congresos científicos da contorna na pasada semana, o que para o Presidente da AGEFEC Álvaro Carrera, demostra que “o compromiso coa Atención Primaria, a formación e as competencias destes profesionais son garantía de resposta do sistema sanitario ás necesidades dos nosos cidadáns”. 
Presentación do congreso coa Ministra de Saúde lusa

A Asociación Galega de Enfermaría Familiar e Comunitaria (AGEFEC), participou como organización colaboradora do 2nd International Congress of Family Health Nursing& 1st Iberic Congress of Family Health que tivo lugar a pasada semana en Lisboa. No evento participaron numerosas enfermeiras de familia galegas con diversas comunicacións científicas sobre a educación sanitaria a nenos na escola, educación sanitaria sobre a gripe en entidades asociativas, análise sobre desigualdades en saúde, etc. Así mesmo, o Presidente da AGEFEC, Álvaro Carrera, participou do debate sobre o futuro Enfermaría Familiar e Comunitaria no contexto Ibérico. 

O Congreso Internacional foi inaugurado pola Ministra de Saúde do Goberno portugués, que anunciou que o Sistema Nacional de Saúde luso, incorporaría nos cadros de Atención Primaria nos próximos catro anos a Enfermeiros especialistas en Familia, co obxectivo de que tódolos portugueses tivesen un especialista de referencia. 

Dende AGEFEC saliéntase a importancia da medida, xa que Portugal está comezando coa estratexia de crónicos cun envellecemento da poboación dun 21% de maiores de 65 anos, e Galicia cun 30% aínda lle custa acelerar o ritmo para abordar esta nova realidade.  

Se queremos afrontar debidamente esta realidade, é necesario apostar polos Enfermeiros especialistas en Familiar e Comunitaria, xa que nos enfrontamos a un incremento substancial de coidados de alta complexidade. En palabras do Presidente da AGEFEC Álvaro Carrera, “é fundamental cuadriplicar a curto prazo o número de enfermeiros especialistas de familia e comunitaria nos cadros de persoal de Atención Primaria” 

Por outra banda, numerosos profesionais enfermeiros de familia, participaron nas II Xornadas de Saúde Socio-comunitaria do SERGAS nos que presentaron diversos proxectos de intervención comunitaria integrais, outros focalizados en diversos problemas da comunidade e no congreso nacional de AENTDE sobre os últimos avances no proceso metodolóxico enfermeiro. 

Presidente AGEFEC, Presidenta SPESF, Vicepresidenta AGEFEC
Maía González no Congreso Internacional
 Membros de AGEFEC, Xosé Luís Álvarez, Eva Tizón e Gemma Rodríguez no comité científico do 2nd International Congress of Family Health Nursing
Ignacio Couselo, Enfermeiro Especialista en Familia e Comunitaria nas “XII Jornada de trabajo AENTDE” en Zamora
Mesa de debate: La visión de los profesionales sobre el proceso enfermero
 O ex-Presidente da AGEFEC, Francisco Represas Carrera, formando parte do comité organizador do European General Practice Research Network EGPRN en VIgo
Obradoiro de medición da capacidade cardiorrespiratoria no EGPRN 
impartido por Nazaret Rubio e Pablo Domínguez, Enfermeiros de Familia e Comunitaria

Referencia: Marta Temido quer que todos os portugueses  tenham um enfermeiro de família. https://tvi24.iol.pt/amp/politica/saude/marta-temido-quer-que-todos-os-portugueses-tenham-um-enfermeiro-de-familia?utm_source=twitter&utm_medium=social&utm_campaign=ed-tvi24ultimas&__twitter_impression=true  

yolanda

yolanda

Non están permitidos os comentarios.

Agefec é necesaria.
Somos necesarios