Dende a AGEFEC comprácenos informarvos do I Encontro de Medicina e Enfermería de Familia e Comunitaria, que terá lugar os vindeiros días 30 e 31 de Maio en Sanxenxo (Pontevedra). O mesmo está organizado coa colaboración de AGEFEC e de SEMG Galicia (Sociedade Española de Médicos Xerais e de Familia), porque cremos nunha Atención Primaria sen fragmentacións e en equipo, intentando fortalecer a sinerxía entre enfermería e medicina.

Temos como obxectivo prioritario fomentar un lugar de colaboración e de formación baseado nas últimas evidencias, con mesas de diferentes temáticas prácticas e innovadoras ao longo de ambas xornadas.

Podedes atopar o programa e o formulario de inscrición na seguinte LIGAZÓN. Seguiremos compartindo información ao respecto cos socios/as e nas nosas redes sociais.

Agardámosvos!