Os Grupos de Traballo (GdT) son unha das ferramentas máis importantes para desenvolver proxectos que teñan un impacto real na práctica diaria e na saúde da comunidade. Formar parte dun GdT dentro dunha sociedade científica coma AGEFEC pode acadar numerosos beneficios a nivel persoal e profesional, como:

• Ampliación de coñecementos
• Desenvolvemento de habilidades en materia de investigación
• Establecemento de redes de contacto con outros profesionais
• Publicación en revistas científicas, así coma a posibilidade de participar na creación e/ou revisión de guías e protocolos.

A forza dunha asociación como a AGEFEC reside nas persoas asociadas e na súa na participación activa, e por iso gustaríanos coñecer as inquietudes, motivacións e expectativas a través da realización dunha enquisa co fin de comprender as necesidades e desafíos na enfermaría familiar e comunitaria, avaliar o grao de implicación nos futuros GdT, medir o nivel de satisfacción cos servizos e actividades de AGEFEC e identificar áreas de mellora no apoio á investigación e o desenvolvemento profesional. 

Esta enquisa está dispoñible na seguinte LIGAZÓN, ten unha duración aproximada de 5 minutos, a información proporcionada será tratada con total confidencialidade e os datos recollidos serán utilizados exclusivamente para os fins mencionados e analizados de forma anónima.

Dende AGEFEC queremos mostrar o noso agradecemento por ser parte deste proxecto.