O SERGAS rexeita administrar a vacina antigripal nas Farmacias
Santiago de Compostela, 13 de Xullo do 2015
- A Consellería rexeita a proposta dos farmacéuticos pontevedreses, que consistía en cobrar 9 euros por vacina administrada ao SERGAS.
- A reacción das Sociedades Científicas da Atención Primaria, Colexios de Enfermaría e o non do goberno central foron determinantes.
Fai uns meses, o Colexio de Farmacéuticos de Pontevedra, solicitaba a Sanidade administrar a vacina antigripal nos despachos de farmacia por 9 euros por vacina administrada.
A iniciativa que foi rexeitada dende o seu comezo por AGEFEC, por supoñer claros riscos para a seguridade do paciente, a falta de garantías no procedemento nas oficinas de farmacia e a ruptura do modelo de atención integral e proactivo foron algúns dos argumentos da nosa Sociedade Científica.
Esta iniciativa ven de ser rexeitada pola Consellería de Sanidade segundo informa o Faro de Vigo.
AGEFEC seguirá traballando na defensa da Enfermaría Familiar e Comunitaria en Galicia dentro dun modelo asistencial integral e proactivo no que as Enfermeiras poidan exerce-lo seu rol acorde coa súa valía profesional.
Non están permitidos os comentarios.